الكورس هيبدأ في الأسبوع الأول من شهر ٨

وهنأكد معاكم كل المواعيد في جروب الواتس اب الخاص بالكورس

السبت والتلات من كل أسبوع الساعة ٨ ونص بتوقيت مصر

الكورس حاليًا لايف، وجميع المشتركين هيكون ليهم أكسز على ريكوردات الكورس لمدة سنة

لكن حضور اللايف مهم جدًا عشان التطبيق والمناقشة

أنا مش بحب اسمي الـ templates أو القوالب الجاهزة هدايا!

بس هوفر لك Templates وSheets تساعدك ترتب تفكيرك وتعرف تمشي خطوة خطوة بدل ما تبدأ من الصفر كل مرة

بس مهم تفهم إن التمبلت هنا مش معمول عشان تلغي عقلك وتملا فراغات وخلاص

التمبلت أداة تساعدك تسأل الأسئلة الصح، تحلل البريف، تفهم البراند، تطلع بيرسونا، تكتشف Insights، وتبني Angles

لكن القرار في الآخر قرارك أنت

لأن كل براند له سياق، وكل أودينس له طريقة، وكل منتج محتاج تفكير مختلف

فأنت مش هتطلع من الكورس حافظ قوالب جاهزة تكررها

هتطلع فاهم تستخدم الأدوات دي إزاي عشان تنتج شغل أفضل ومنظم

أيوه، مناسب جدًا لو أنت داخل مجال جديد عليك (الديجيتال ماركتينج) وعايز تبدأ من مكان صح بدل ما تفضل تجمع معلومات متفرقة من هنا وهناك وتفضل في توهة ملهاش آخر

أنا جيالك من هناك! حرفيًا هنقل ليك كل البروسيز اللي مريت بيها في بدايتي بحلوها وصعوبتها! بس إن شاء الله الصعوبة دي أساعدك إنها تبقى أسهل عليك كتير

الكورس هيساعدك تفهم الأساس اللي محتاجه فعلًا واللي تبني عليه كارير جديد، بس مهم تبقى فاهم إن الكورس مش زرار سحري للكارير شيفت، هو بداية تأسيس قوية، لكن الشغل الحقيقي محتاج تطبيق، صبر، ومحاولات مستمرة

لأن صاحب المشروع مش لازم ينفذ كل الكريتيف بنفسه طول الوقت، بس محتاج يبقى فاهم المسج اللي بتطلع من البراند بتاعه

في الكورس هتفهم إزاي تقرأ البريف، تحدد هدف الكوبي، تفهم شخصية البراند، تبني بيرسونا، تدرس المنافسين، وتطلع Insights وAngles تخلي المحتوى والإعلانات أقرب للكاستمر بتاعك

وده هيساعدك في ٣ حاجات مهمة

أولًا، هتعرف تشرح احتياجك للكوبي رايتير أو التيم بشكل أوضح بدل ما تقول عايز بوست حلو أو إعلان يبيع

ثانيًا، هتعرف تراجع المحتوى والإعلانات بعين أذكى، وتشوف هل المسج واضحة، هل بتكلم الكاستمر الصح، هل الأنجل مناسب، وهل الـ CTA منطقي

ثالثًا، هتفهم إزاي المحتوى والكوبي ممكن يساعدوا مشروعك يكبر من خلال مسج أوضح، ثقة أعلى، وفهم أفضل للكاستمر والسوق

الكورس مش بديل عن فريق تسويق كامل، لكنه هيديك وعي مهم جدًا يخليك تاخد قرارات أحسن في المحتوى والإعلانات، وتبقى فاهم أنت بتدفع في إيه وبتطلب إيه وبتقيس إيه

أيوه، مناسب جدًا لو أنت عايز تبني محتواك الشخصي على أساس صح

لأن البرسونال براندينج مش إنك تنزل بوستات وخلاص

أنت محتاج تفهم أنت بتكلم مين، عايز تتشاف إزاي، إيه المسج اللي عايز الناس تربطها باسمك، وإزاي تحول خبرتك أو أفكارك لمحتوى واضح ومؤثر

في الكورس هتتعلم تفهم البيرسونا، تطلع Insights، تبني Angles، تكتب Content Posts و Captions وScripts، وتراجع الكوبي بتاعك بدل ما تنشر بالإحساس

وده هيساعدك تقدم نفسك بشكل أوضح، وتبني محتوى يخدم صورتك المهنية (بشكل بروفيشنال)، مش مجرد كلام لطيف أو ترندات بتتكرر

بس مهم تبقى عارف إن الكورس مش كورس Personal Branding متخصص

هو كورس Copywriting تأسيسي، لكن الأدوات وطريقة التفكير اللي هتتعلمها هتفيدك جدًا عشان تبني البراند الشخصي بتاعك

لأن شغلك كميديا باير مش أرقام وبلاتفورم بس

جزء كبير (٩٠٪ من وجهة نظري) من نتيجة الكامبين بيتأثر بالمسج، الهوك، الأنجل، العرض، الكريتيف، والبيرسونا اللي الـ ad بيكلمها

في الكورس ده هتفهم إزاي الكريتيف بيتبني من الأول، من البريف والبيرسونا والمنافسين والـ Insights لحد الـ Angles والكتابة والكريتيف

وده هيساعدك تقرأ الكريتيف بشكل أذكى، وتعرف إمتى المشكلة في التارجتنج أو البادجت أو الـ offer، وإمتى المشكلة في المسج والكوبي نفسها

هتعرف تناقش الكوبي رايتر أو الكريتيف تيم بلغة أوضح، وتطلب تعديلات محددة بدل ما تقول الـ ad مش شغال وخلاص

يعني الكورس مش هيعلمك Media Buying

لكنه هيساعدك تبقى Media Buyer فاهم الكوبي والكريتيف، وده فرق كبير في كواليتي الأناليسز والـ Optimization

أيوه، الكورس مصمم للمبتدئ اللي عايز يبدأ صح

مش لازم تكون اشتغلت مع كلاينتس قبل كده، ومش لازم تكون فاهم كل مصطلحات الماركتنج

لكن لازم تكون مستعد تطبق، وتسمع Feedback، وتشتغل على نفسك

مش لازم تكون شاطر، لكن لازم تكون عندك استعداد تتعلم وتتمرن

الكتابة في الكورس مش هتتعامل معاها كموهبة بس، لكن كمهارة ليها خطوات وتفكير وتدريب وسيستم منظم ينقذك من العشوائية

إحنا عايزينك تدخل الكورس وأنت فاهم كل التفاصيل ومرتاح لقرارك، عشان كده سياسة الاسترداد واضحة من البداية

تقدر تطلب استرداد كامل للمبلغ بعد السيشن الأولى مباشرة وقبل السيشن التانية

غير متاح الاسترداد بمجرد بداية يوم السيشن التانية

الاشتراك في الكورس معناه إنك موافق على سياسة الاسترداد، وفاهم إن الكورس لايف، ومبني على حضور وتطبيق ومتابعة

الخطة الأساسية للكورس هي نفس الخطة المعلنة دلوقتي، سواء من ناحية المحاور أو عدد السيشنز أو المواعيد

لكن عشان الكورس لايف ومبني على شرح وتفاعل وتطبيق، ممكن نعمل تعديلات بسيطة لو احتجنا ده أثناء الرحلة

زي إننا نعيد ترتيب جزء من الشرح، نزود مثال أو تطبيق، نبطأ في نقطة محتاجة شرح أكتر، أو نغير ميعاد سيشن لو حصل ظرف طارئ

أي تعديل هيكون بهدف تحسين التجربة التعليمية، ومش هيكون بهدف حذف قيمة أساسية من الكورس أو تقليل المحتوى المتفق عليه

ولو حصل أي تغيير مهم في المواعيد أو التفاصيل، هيتم إبلاغك بوضوح من خلال جروب الواتساب الخاص بالكورس قبلها بوقت مناسب

اشتراكك في هذا الكورس يعتبر رخصة استخدام شخصية وفردية للمحتوى، بغرض التعلم والتطبيق الشخصي فقط

هذه الرخصة لا تعني امتلاك المحتوى، أو نقل أي من حقوق الملكية الفكرية الخاصة به، ولا يجوز نقلها أو مشاركتها مع أي شخص أو جهة أخرى بأي شكل من الأشكال

يُسمح لك باستخدام محتوى البرنامج لأغراض التعلم، المذاكرة، والتطبيق الشخصي فقط

ولا يُسمح نهائيًا بنسخ المحتوى، أو تسجيله، أو إعادة توزيعه، أو بيعه، أو مشاركته مع الآخرين، أو نشره بأي وسيلة رقمية أو مادية، سواء بشكل كامل أو جزئي

أي استخدام غير مصرح به للمحتوى يعتبر مخالفة واضحة لشروط الاشتراك، وتعديًا على حقوق الملكية الفكرية، وأمانة يُسأل عنها صاحبها أمام الله قبل أي إجراء آخر

وفي حالة مخالفة أي من هذه الشروط، يحق لنا اتخاذ الإجراءات اللازمة فورًا لحماية المحتوى ووقف الانتهاك، بما في ذلك إنهاء وصول المشترك إلى الكورس بدون استرداد أي مبالغ مدفوعة

كما يحق لنا اتخاذ أي إجراءات إضافية نراها مناسبة لحماية حقوق الملكية الفكرية، إذا استدعى الأمر ذلك

لا، الاشتراك في الكورس بيكون فردي وشخصي، ومخصص للشخص اللي سجل بياناته ودفع قيمة الاشتراك فقط

محتوى الكورس، التسجيلات، الشيتات، التمبلتس، جروب الواتساب، وأي مواد تعليمية خاصة بالكورس لا يجوز مشاركتها مع أي شخص آخر، سواء داخل تيم، شركة، أو بين الأصدقاء

لو عندك تيم وعايز أكتر من شخص يحضر الكورس، كل فرد من التيم محتاج يكون له اشتراك مستقل باسمه

وده مش تعقيد، لكنه حماية لحقوق المحتوى، واحترام للمجهود والوقت المبذول في إعداد الكورس، وكمان عشان كل متدرب يبقى له حضوره ومتابعته وتجربته التعليمية الخاصة

طبعًا لو أنت حضرت الكورس وحبيت بعد كده تشرح لتيمك اللي فهمته أو استفدته بطريقتك، وبمجهودك أنت، ووقتك أنت، فده حقك ومفيش فيه أي مشكلة

لكن مشاركة محتوى الكورس نفسه، أو تسجيلاته، أو الشيتات، أو التمبلتس، أو أي مواد خاصة بيه، ده غير مسموح

لأن وقتي ومجهودي والمحتوى اللي بقدمه داخل الكورس خاضعين للاتفاق الحالي، وهو إنهم متاحين للمشتركين فقط

ولو أنت شركة أو تيم ليدر وعايز تسجل أكثر من فرد من التيم، تقدر تتواصل مع تيم السبورت عشان يساعدك في تفاصيل تسجيلهم بشكل صحيح