مش مجرد كورس… دي تجربة حقيقية بعيشها معاك خطوة بخطوة من أول سؤال “أنا بكتب لمين؟” لحد ما يكون عندك بورتفوليو كامل يشهد إنك ماركتير فاهم، بتعرف تكتب، تطبّق، وتقدّم شغل متكامل! من لحظة بريف الكلاينت للحظة تحليل نجاح شغلك، حل المشاكل، وتحسين النتايج
وبالتالي؟ شُغلك هيبقى فيه فِكر وقيمة حقيقية تُميّزك عن غيرك… مش مجرد حَشْو للكلمات
جلسة مفتوحة بنبدأ فيها سوا الرحلة، عشان تعرف أكتر عن فكرة الماستركلاس، بنشتغل على إيه، وإزاي ممكن يفرق معاك في شغلك هنتكلم عن محتوى الـ ٨ محاضرات، الأسلوب، شكل التطبيق العملي، وإجابات لأي سؤال بيدور في بالك
أول خطوة في رحلتك؟ فن فهم العقل البشري اللي بيشتري، مش اللي بيقرا! إزاي؟ هتقف على أرض محايدة، تفكّر مرة بدماغ اللي بيشتري ومرة بدماغ البيزنس! عشان تفهم هل فعلا البراند له قيمة؟ هيقدر يبيع وينافس؟ إيه المميز عنده عشان يطلع فلوس من جيب البيرسونا؟
مش الصح إنك تتخيل أو تخمن البيرسونا بشكل سطحي! اليوم دا هنتدرب مع بعض إزاي تغوص في عقل وتفكير و"مشاعر" الشخص اللي هيشتري منك، لدرجة إنك توصله يقول: دا بيتكلم كأنه كان قاعد معايا وعارف عني كل حاجة
في المحاضرة دي هنفكّك الفانل حتة حتة… مش بالأسماء المحفوظة، لكن بالمنطق اللي وراها هتفهم العميل بيعدي بإيه؟ بيحتاج تقوله إيه أمتى؟ وإزاي تبني له رحلة بيع تمشيه من أول فضول… لحد قرار الشراء (وفي نهاية المحاضرة دي هتقدر تبني فانال كاملة بنفسك وتطبقها بإيدك) وهتقدر تحدد عوامل نجاح كل مرحلة في الفانال بالأرقام
في المحاضرة دي هتفهم فعليًا يعني إيه تبني رحلة مستخدم جوه الأبلكيشن، وأنت دورك إيه في كل مرحلة في الرحلة؟ وإزاي تقيس مدى نجاح دورك؟ من أول لحظة يشوف فيها إعلانك لحد ما يرجع يستخدم الأبلكيشن تاني وتالت، وإزاي تقنع اليوزر بالكوبيز والكريتيف والأوتوميشن إنه يكمل رحلته معاك في الأبلكيشن.
كل محاضرة بيكون منها ٥٠٪ تطبيق عملي! لكن اليوم دا؟ 100٪ تطبيق عملي وتحليل لأمثلة مختلفة ومتنوعة في كوبيز وكريتيف لكل المنصات خصوصًا جوجل وميتا. ليه؟ عشان لازم نفصل في النص، ونربط اللي فات ببعضه كويس قبل ما نكمل! تقدر تقول كدا المحاضرة دي عن استخدام عناصر بيع مقنعة بأشكال مختلفة في منصات مختلفة
تعرف إن اللاند بيدج ليها أنواع؟ حضر نفسك لمحاضرة مكثّفة هتعلّمك إزاي تبني لاند تحوّل كل كليك لبيع حقيقي، من أول التفكير لحد تصميم الـ واير فريم والـ ستراكتشر اللي يجذب ويقنع ويقفل البيع
في المحاضرة دي هنتعلم نراجع المواقع بعيون ماركتير فاهم فانال، كوبي رايتنج، وستراكتشر! وبلمسات فنية هنحلل الصفحات، نكتشف نقاط الضعف، ونعرف إزاي نعدّل ونراجع كل عنصر بيأثر على تحسين التحويلات والمبيعات، بداية من الهوم بيدج لحد الثانك يو بيدج.
في المحاضرة دي، مش بس هتتعلم تكتب إيميل حلو، هتفهم إزاي تبني كامبين كاملة تكلم جمهورك في الوقت الصح، بالرسايل البيعية اللي تحرّكه يعمل الفعل اللي يخدم هدفك ويزود مبيعاتك. وكالعادة هكون معاك من أول خطوة ترتيب الدماغ لحد قياس نجاح الكامبين
الفرق بينك وبين أي حد تاني = الفهم، التطبيق، والنتايج
فـ لو عاوز تبقى ماركتير ليك بصمتك، ابدأ رحلة ماستركلاس ٤ أسابيع تغيّر بيها طريقة شغلك… وتفكيرك
الماستركلاس ده مش بيعتمد على الحفظ ولا الفورمات الجاهزة… دي رحلة حقيقية بتبدأ بفهم أعمق، بعدها تطبيق بإيدك، وتنتهي بنتايج حقيقية تقدر ترفع بيها شغلك وتقدّمه بثقة
كل مرة هنبدأ بـ (ليه) بنعمل كذا قبل (إزاي)! ليه البيرسونا بتتصرف كدا؟ ليه الإعلان دا نجح والتاني فشل؟ ودا يفرق في المايندست بتاعتك بشكل مختلف، من جوّا دماغ العميل مش من جي بي تي
01
المعلومة لو ما تطبّقتش، بتتنسى! عشان كدا في الماستركلاس، كل حاجة بتتعلمها هتشتغل عليها بإيدك في تاسك عملية على براند حقيقي من اختيارك
02
كل خطوة هتشتغل عليها، هتبني بيها بورتفوليو قوي يخلّي شغلك يبان وسط الزحمة، ويخلّيك تقدّم على أي فرصة وإنت سايب شغلك يتكلم عنك بثقة
02
لأكتر من ٩ سنين وأنا بشتغل في الديجيتال ماركتنج، بين كتابة وقياس وتحليل… من الكوبي رايتنج بدأت، وحاليا
Performance Creative Director
اشتغلت مع براندات صغيرة وكبيرة، في أكتر من ١٥ صناعة مختلفة في مصر والخليج وأسواق تانية
خلال السنين دي، قابلت مشاكل كتير في الشغل، ممكن تتلخص في
كوبي رايترز شاطرين بس مش عارفين يربطوا اللي بيكتبوه بالفانل أو باللي محتاجه البيرسونا، وبالتالي بيكون مجرد كلام
ميديا بايرز فاهمين أرقام بس مش دايمًا بيعرفوا يوجّهوا الرسالة صح
ماركتيرز واقفين محلك سر لأنهم مش عارفين يربطوا الفانال كلها ببعض، مش عارفين يعرضوا شغلهم صح بتناغم وتسلسل
عملت الماستركلاس دا علشان أساعد في تقليل الفجوة بين احتياجات الماركت للناس الشاطرة، وبين توافر الناس الشاطرة فعلا
وأنقل لك تجربة حقيقة من أول ما كنت بكتب الكوبي، لحد ما بقيت أنا اللي بطلبه من التيم وأحلل نتايجه.
الماستركلاس دا معمول علشان اللي عايز يفهم الشغل من جوه
اللي زهق من الجُمل الحلوة اللي مبتوصلش، ومن الدروس اللي مش بتتبني على أرض الواقع
أنا مش هقدّم لك فورمولات محفوظة… أنا هساعدك تطور من المايندست بتاعتك
وهنشتغل سوا على كل مرحلة من مراحل التواصل، لحد ما شغلك يشهد لك مش أنا
الماستر كلاس دا عشان نفهم، نطبّق، ونبني شغل فعلي، في معسكر مكثف، كل حاجة فيه معمولة بنية التطوير الحقيقي، مش التلقين
ولو بتدور على كورس تتفرّج عليه وتنساه… فدا مش المكان المناسب
لكن لو بتدور على تجربة حقيقة تبنيك، وتخلّيك تشتغل صح وتطور شغلك… فأهلاً بيك
تشرفت بـ+240 من الآراء والترشيحات الصادقة خلال رحلتي في تقديم التدريب المجاني
مش بغيّر في اللي هتتعلمه، أنا بس بسيبلك حرية اختيار شكل الدعم اللي يخليك تذاكر وتطبّق على طريقتك
ما يعادل 260 دولار
ما يعادل 300 دولار
ما يعادل 350 دولار
هو معسكر تدريبي مكثف لمدة شهر، ٤ أسابيع، كل أسبوع محاضرتين. هيساعدك تبني طريقة تفكير تسويقية حقيقية، وتكتب كوبي مقنعة وتبيع بناءً على فهم البيزنس والبيرسونا والفانل. بنشتغل سوا خطوة بخطوة على كل حاجة من أول فهم المشكلة، لحد الرسائل البيعية، والفانال، والإعلانات، وصفحات الهبوط، والإيميلات
مش للمبتدئ تمامًا اللي لسه أول مرة يسمع يعني إيه ماركتينج. لكنه مناسب جدًا للمستوى المتوسط والمتقدم، لو بتحتار في فهم وتحديد مستويات الخبرة، فـ خليني أبسط لك الدنيا وأقولك إن المساتركلاس دا مناسب للي عنده أساس وجرب بإيده خلال سنة أو سنتين من الشغل الفعلي وعايز يطور من مستواه عشان يبقى محترف
٤ أسابيع، عبارة عن ٨ محاضرات (٢ محاضرة في الأسبوع). غير وقت التطبيق العملي اللي هتشتغل فيه على مشروعك بنفسك
كل محاضرة +٣ ساعات وأكيد هيكون في بريك! لكن استعد، قهوتك ولاب توبك وتركيزك وتعالى 🌚
هنفهم دور الأرقام، وهنفهم نقرأها صح… لكن مش هنشتغل على داشبورد كامبين من الألف للياء (لأن دا دور الميديا باير ودا مش كورس ميديا باينج -مش زي مايندشيفت مثلا-)
الماستركلاس بيركّز على إنك تفهم إزاي شغلك في الكوبي أو الكريتيف أو حتى البلانينج يكون مؤثر فعلًا في النتايج،
وإزاي تحكم على التجربة من أولها.
يعني هنفهم:
✅ إزاي تقيس نجاح الفانل اللي بنيته؟
✅ إزاي تحكم على الإيميل ده جاب نتيجة؟
✅ إيه المؤشر اللي يخليك تغيّر في الهيدلاين أو الفيجوال؟
✅ إمتى تقول الفكرة دي محتاجة تعديل؟ ومين المفروض يبدأ التعديل؟
لأن هدف من أهداف الماستركلاس هو "تحسين القرار الإبداعي اللي بيؤثر في الأرقام"
التطبيق هو الجزء الأساسي من التجربة. كل محاضرة فيها أمثلة عملية على كل كلمة، وفيه تاسك على كل مرحلة من مراحل الفانل، وممكن أراجع لك الأسايمنت بعد كل محاضرة لو حابب على حسب خطة الاستثمار اللي هتختارها
أي حد في الكريتيف إندستري وعايز يطوّر شغله في التسويق بشكل عملي واحترافي
لو إنت كوبي رايتر، ميديا باير، ماركتير، فريلانسر، أو صاحب بيزنس…
و"زهقت من العشوائية" وعايز تشتغل بفكر، تبني فانال، تكتب كوبي يبيع، وتطلع من كل مرحلة بنتايج ملموسة—يبقى الماستركلاس دا ليك
كل المحاضرات بتتقدَّم لايف أونلاين، عشان يبقى في تفاعل ونقاش حقيقي بينّا.
وفي باقات بتوفّرلك تسجيلات تقدر ترجع لها براحتك… وبتفضل معاك لمدة سنة كاملة.
ليه سنة؟
علشان إحنا شايفين إن اللي هيذاكر، ويطبق، ويراجع… يقدر يحقق استفادة حقيقية خلال سنة أو أقل!
وصدقني… لو التزمت، مش بس هتستفيد من التسجيلات،
دي بعد سنة هتبص ورا وتقول: "أنا فعلاً اتطورت عن المرحلة دي، وجاهز للّي بعد كده."
ولو احتجت أكتر من كده، فده معناه إنك قطعت مسافة كبيرة… وبقى عندك احتياجات تعليمية أعلى وماتريال مختلفة تمامًا تليق بمستواك الجديد
خليني أوضح لك بعض التفاصيل:
الماستركلاس بيركّز على الـ Performance Creative من أول التفكير الاستراتيجي لحد التنفيذ الفعلي، مش بمعنى إننا هنعلّم مونتاج أو تصميم، لكن بمعنى إن كل مرحلة من مراحل الفانل هنفكّر فيها كـ "Creative Performance Team" حقيقي:
📌 في المحاضرة الخامسة تحديدًا، هنحلل فيجوال كتير جدًا، ونفهم ليه اشتغلوا وحققوا نتايج كويسة، وإزاي نعيد استخدامهم أو نطوّرهم.
📌 الكوبي في الماستركلاس مش مجرد "تكست"، الكوبي هنا = فكرة + delivery + وسيلة عرض، وبالتالي كل مرحلة بتتشرح بفكر كامل: من أول الريسيرش، للمسج، للفيجوال اللي هيحمل الرسالة، للتستنج والتعديل.
لو الكوبي بالنسبالك هو "جملة حلوة"… فغالبًا الماستركلاس ده مش ليك.
لكن لو الكوبي بالنسبالك = وسيلة لتحقيق هدف في البزنس، سواء كانت تكست، ريل، فيجوال… فهتستفيد جدًا.
الماستركلاس معمول عشان نخلي كل (مسج) وكل شكل وكل فكرة… تخدم البزنس وتحقق نتيجة.
يعني باختصار: مش هنقولك صمّم كريتيف لأن بشكل أساسي الماستركلاس مش للديزاينر، لكن هنعلّمك تطلبه صح، وتفكّره صح، وتحكم عليه صح.
في الماستركلاس، أنا بنقل تجربة عملية من شغلي كـ Performance Creative Director،
والمحتوى مبني على الأساس ده:
إزاي الكوبي رايتر، والميديا باير، والمصمم/الفنان، يشتغلوا سوا مش كل واحد في جزيرة لوحده.
هتفهم:
✅ كل مرحلة جوه الفانل بتحتاج إيه
✅ إزاي تسلّم واستلم شغل بين أفراد التيم
✅ إزاي تحكم على التجربة كـ concept واحد مش مجرد ad
هل ده معناه إنك هتتعلم تنفيذ الريلز والتصميم بنفسك؟ لأ
لكن هتفهم إزاي تفكر صح، تنفذ الفكرة اللي تفيد البيزنس والبيسرونا حسب الفانال اللي بنيتها بنفسك، تحكم على شغك صح، وتتعاون مع الفريق بناءً على insights مش انطباعات.
آه، كل اللي هتشتغله في الماستركلاس بيتحوّل لبورتفوليو حقيقي معمول بإيدك. بتخرج بيه من الماستركلاس وإنت منفذ شغل تفتخر بيه
خليني أوضح لك حاجة، أنت مكانك محجوز في كومينتي خاصة بالماستركلاس وهرد عليك في أي سؤال يجي في بالك بطريقة تفصيلية وعملية زي ما متعود مني
أيًا كان التكلفة اللي اخترتها، فـ أنت مكانك محجوز أكيد في الكومينتي
علشان كل واحد يختار التجربة اللي تناسبه، بطريقته وسرعته واحتياجاته
في ناس بتحب تشتغل لوحدها وتكتفي بالمحتوى، وناس تانية تحب التوجيه والمتابعة والدعم المباشر
الهدف في الآخر واحد: كل مجموعة هتخرج من الماستركلاس بأقصى استفادة ممكنة… بس كل واحد بطريقته
راوند ٢ هتبدأ إن شاء الله بعد عيد الأضحى في منتصف شهر يونيو (شهر ٦)
المحاضرة التعريفية هي محاضرة 0 بوضح لك فيها الـ experience في الماستركلاس بشكل تفصيلي عن كل محاضرة
وبالمناسبة هي محاضرة خاصة للمشتركين في الماستر كلاس (لكنها غير مدفوعة)
- مش من ضمن الـ ٨ محاضرات المتفق عليها -
تقدر تلغي اشتراكك وتسترد فلوسك 100% أيُا كان قيمة الاشتراك، بعد حضور المحاضرة التعريفية لو الطريقة اللي صممت بيها الماستركلاس مش مناسبة ليك
بتضغط على (احجز مكانك دلوقتي)، بتختار الباقة المناسبة ليك، وبتسجل بياناتك. أماكن الاشتراك محدودة علشان المتابعة تكون حقيقية، فلو لسه في مكان… احجز بسرعة
لو لسه بتفكر… افتكر إن مكانك محدود والرحلة قربت تبدأ
لو بتواجه أي مشاكل في تسجيل الاشتراك - تواصل مع الدعم مباشرة عبر واتس اب (اضغط على السهم بالأسفل)
جميع الحقوق محفوظة لفريق عمل د. أمنية محمد علي
